云翔最新同志片《爱很烂》男男激情大胆逼真

《爱很烂》大胆同性恋镜头

　　话题导演云翔一直醉心拍摄小众电影，好似之前的《安非他命》就系其中之一，里面的男男恋及性虐镜头相当大胆，自然畀电检处抽秤，就算3级上映都搞咗好耐先通过检查。

　　9次送检

　　静咗一排，云翔最近又有新作《爱很烂》面世，佢话今次比前作仲大胆，戏中唔少男男K交同X爱场面都系真做摆明挑战电检。佢日前接受电话访问时话咁做系想效果逼真啲，唔系要挑战任何人，佢话：“部戏已经入咗今年第47届美国芝加哥电影节，同20几部片一齐放映，可以畀一个主流电影节邀请当然开心。”

　　套戏喺当地播出可以一刀唔剪，不过喺香港待遇就完全唔同，套戏由5月送检到今时今日前后9次仲未过到电检，云翔无奈咁话：“电检话有11个地方唔通过，剪我就一定唔肯，惟有喺后期加工调暗光度或者加啲后期遮掩罗，搞到我差唔多变成呢方面专家。希望可以赶到下个月举行首映，帮关怀艾滋基金筹款。”导演话奇怪香港作为一个国际城市呢方面点解咁保守。

延伸阅读：《爱很烂》主演卢希安大胆全裸露点性感写真

云翔同志电影《爱很烂》预告片